De Courtney ere Geburtstag

Huet isch de Courtney ere Geburi gsi. Ere Vater isch vo Melbourne do ane gfloge gester zum sie ueberrasche..mer hend alles organisiert ohni dass sie nur die chlinschti ahnig gha het:)Han organisiert das sie huet de ganz Tag frei becho het und mit erem Paps het choene verbringe. Ha den nochem schaffe de Glace chueche no fertig gmacht und mer hend ues denn all am 6i zum Znacht im Hippo Creek, eme Sued Afrikanische Restaurant troffe und en schoene Znacht gha:)

Usflug ufs Land as WIld Oats Festival und s Weekend

Gester sind Courtney, Kelly und i uf Northam, das isch es Country Dorf chli meh wie 2h vo Perth entfernt, as Wild Oats Festival gange wo Gyroscope und Spiderbait(das sind 2 Australischi Bands)etc gspielt hend..Gyroscope isch eini vo de Courtney ere Lieblings Gruppene und denn hend mer gfunde mer choenntet doch en Tagesufluug doett ane mache. Hend denn de Nomi mit es paar drinks ide Sunne(leider noed so warm gsi..sehr windig und immer wieder bewoelkt)verbrocht und hends natuerlich u luschitge wie mer uf de Fotene gseht..;)nochher as Konzert und denn total erschoepft hei..Mer hend eigentlich woelle doett schloofe aber isch so kalt gsi und hett nume komischi Luet gha drum hend mer entschiede wieder hei z fahre..und nei, mer hend kei Alkohol meh gha..also alles bene gsi:) Isch es schoens Weekend gsi.
Huet, am Sunntig sind d Courtney und i a de Kueste entlang glaufe und hend den en Tee trunke, chli Toast gesse und ueseri Sunntigsziitig glese..am Nomi hend mer denn s Huus putzt(wo mer anezueglet i 2 Woche)und noch 4h putze hend mer ues denn e Trigg Pizza goennt ufem Balkon und hend de Sunneuntergang glueget(Ussicht vom Balkon isch grad s Meer)Also wie er gsehnd, mer gohts super:)

Es wird summer..

Di letzte paar Taeg isch wunderschoens wetter gsi und es wird immer chli waermer..am tag dur chammer locker mit kurze hose und tshirt umelaufe und am strand mitem bikini sunne tanke;)Am obet wirds aber doch no chli frisch,so das mer en pulli mue alegge. Huet nochem schaffe bini 3h am strand gsi,wunderschoen. Han den d Tracy troffe und mer hend de Sunneuntergang ime Cafe am strand bi ues unne gnosse:)do es bloedli pic:)

mini chli cousine

D Gaia hetts sehr gnosse ziit i mim Zimmer z verbringe..Lars, sie hett dini chline Filmli wo mer gschickt hesch gliebt..vorallem de vo der und de Nini wo er am bloedle sind;)

Diplomfiir vo de Grete

Gester isch de Grete ihri Diplomfiir gsi. Sie het Film und Video studiert. Uesi Verwandte(also eri schwoester und mam und au min onkel(isch mit erer schwoe verhuerotet)wie au mini 2cousine)sind do ane gfloge fuer de spezielli tag:)noch de Fiir hemer do bi ues e BBQ gha,schoen gmuetlich:)

d blueme links sind vo mer:)eri lieblingsblueme und farb:)

Grete am Bruschetta zuebereite:)

mini chli cousine d Gaia

d Dips wo mer gmacht hend

d Family und de craig(min mitbewohner)

Mini chli suess cousine d Saloma

Grete und de Craig am grilliere

Fremantle

Am Samstig sind d Courtney und i wieder ei mol meh uf Fremantle an Markt und denn hend mer doett zmittag gesse ime chliine organic cafe wo mer gfunde hend..sind denn chli ide sunne ghoecklet und hend de nomitag gnosse..herrlich:)

gstrandete Buckelwal und 2 Haifisch

Gester nacht isch in Hillarys Boat Harbour( das isch 15min vo mer eweg) en tote 15 Meter lange Buckelwal gstrandet. Si hend recht Problem gha de Wal weg z bringe wel er so gross und natuerlich au tonne schwer isch. De ganz Tag hends verbrocht und mit verschidene Krane versuecht und schlussendlich vor e paar Stunde gschafft en weg z bringe. Leider hett de toti Wal zwei riesigi Haie aneglockt, die sind immer no doett am umekreise (hungerig). Anschienend schmecket die da no Woche nochher und choemet immer wieder zrugg. Am Samstig hetti doett en Surfcontest soelle statt finde. De hends jetzt natuerlich muese absege und es isch strengstens verbote doett go schwimme di noegste Taeg/Woche. Do es paar Pix (weiss isch echli gemein und noed richtig e tots tier fotografiere aber so hend er e ahnig wies usgseh het) und zum erwaehne, es hett bestialisch gstunke!

Kings Park

Huet bini wider mol in Kings Park go spaziere weli frei gha ha und gfunde ha i soett wider mol was schoens mache:) Bi denn d Karina, mini brasilianischi kollegin, doett go bsueche wel sie ime cafe doet schaffet..:)Die Woche choemet d Courtney und i bscheid ueber wegem neue Huus und sind scho ganz zappelig..isch u noech am strand (4min laufe oder so)und vo de groessi perfekt:)halt eu natuerlich ufem laufende wie immer. Mit de Registration als Hebamme gohts au endlich vora..sie hend endlich all mini Dokument agno und ez muesi nur uf s Papier warte und denn gohts ENDLICH los:)Ha au scho paar Job Agebot..und i 3 moenet bini jo scho ide schwiiz uf bsuech..unglaublich wie schnell die ziit verbi goht..
So,do no es paar pix vo huet nomitag..wie er gsehnd isch es do richtig fruehlig..u schoen mit allne Bluemli:)