Tiger Lills, Ambar und schoene Tag am Strand

Am Fritig sind mer wieder emol in usgang gange. Zerscht sind mer ine Bar/Club wo TIger Lills heisst..isch i de Stadt und isch u schoen, so Asiatisch igrichtet. Sehr feini, spezielli Cocktails, alli mit ere chline Orchidee Bluete verziert. Nocher simer ane Rock Konzert vomene Kolleg (noed grad min Musiggschmack xi) und den inen Club wo mini Musig gloffe isch,de hett Ambar gheisse..ha natuerlich sehr freud gha...isch ewigkeite her sit i die Musig ghoert han und isch laessig gsi echli choene tanze.









Am Samstig isch de Nationalfiirtig gsi, Australia Day..do hetts ueberall Feschter und all machet es BBQ diheime und natuerlich wie d Australier sind, trinkets unmengene a dem Tag. I han aber gschaffet ame Fescht ide noechi vom Casino und ha es paar Luet kenne glernt, isch laessig gsi. Am obet bini denn so kaputt xi das i noch em Znacht nur no han woele go schloffe (ha am fritig uf de sa nix gschloffe)

Gester, am Sunntig wie au huete am Mentig simer an Strand..isch wie immer wunderschoen Wetter..zum glueck noed eso heiss wie letzt Woche. Huet isch es agnehm 34 Grad und es got en schoene Wind. Wie er uf de Fotene gsehnd hetts recht Welle gha..ha oepe emol gmeint i bi inere Woeschmaschine wo i am schwimme xi bi..aber isch luschtig..zum surfe isch es leider noed eso guet xi.. Huet obet gitts wie gester wieder es BBQ mit feinem Salat und Lamfleisch(mmmmhh)





So i berichte denn bald wieder..:) hoff eu gohts guet und s wetter isch immer no so schoen Fruehligshaft:)

Obigspaziergang am Strand

Hai Alarm

Jooo die guete Haie die..hehe..scho di erst chlii story im Bezug uf die gefuerchtete Tierli;)
Am Sunntig sind mer wie immer am Strand am bade xi und i chli mitem Surfbrett am uebe..naja uf ei mol sind ueberall Sirene loos gange und i ha natuerlich wieder mol noed gwuesst was ez do lauft wells uf de Ostkueschte noed eso isch..die do hend ganz anderi gebruech und regle..hehe..uf jede Fall sind all luet schnur stracks usem Wasser use und mer natuerlich au..jo wie mer denn schnell usegfunde hend sind die guete Sireene dafuer do, wenn en Hai gsichtet worde isch.. 3 Luet hends mitem Motorboot muese go hole wels chli wiiter usse am surfe xi sind aber isch zum guete glueck nix passiert..
Mer sind den hei wel mer logischerwiis grad nueme is wasser hend woele obwohl d sirene noch oeppe 15min abgstellt worde sind..;) jo und jetzt luegi immer um mi umme wen i am schwimme bi und go au nueme gaaar so wiit use wie vorher..haha..aber zum surfe mues mer halt doch es biz wiiter use..jae nu..es gitt ez sit neuem so spezielli graet wo mer as surfbrett chan ane mache wo soett d haie vo einem weg bhalte..macht irgendwie so ultraschallwelle soud oder so..

Sus gots mer eigentlich guet..bi s schoen wetter noch wie vor am gnuesse und ha die Woche am Dunschtig und Samstig en Job wo mer chli abwechlig in langwiilige Alltag gitt:)freu mi richtig obwohls unendlich heiss wird sii zum schaffe bi dem wetter..aber au i wird das ueberlebe ;p

Mer verbringet, wie er do im Foti xend jede Obet im Garte bim und nochem znacht, schoen gmuetlich well denn immer de wind langsam chunnt und einem abkuehlt..



und mit de meeko wirds mer nie langwiilig..sie isch eifach e crazy zwetschge...haltet einem immer uf trab aber i ha sie gern, sie isch e cheibe schlitzohr hehe darum;)

Kurs,Usgang,Delfin

So do bini wieder..:)
hmm weiss gar noed wo i afange muess.. Also am Mentig simer all zemme im The Deen xi, das isch en Club ide Stadt. Mer hend woele weg wells de Grete eren letzte Obig do in Perth xi isch und sie jetzt leider en monet in Malaysia isch:( Uf jede Fall isch useme kurze chliine Usgang doch no en lange worde:P wies amigs eso isch..hehe. Hend es paar luschtigi Luet kenne glernt und usegfunde das e Flaesche Prosecco nur 18 Dollar kostet. Naja dementsprechend simer den au zwaeg xi und de grete isch es nueme woerklich eso guet gange am schluss..:(


*+*Grete und Britt*+*

I ha denn noch oeppe 2h schlofe muese ufstoh zum anen Kurs wo i mi bloederwiis genau foer de Zischtig agmolde han..ohjee. De Kurs heisst RSA (Responsible serve of alcohol) und de bruucht mer sit neuschtem do wenn mer hinter ere Bar,Restaurant schafft oder Flight Attendant od Promotions macht. Und well i momentan grad echli Nebejoebli i dem Bereich ha, hani das woele so schnell wie moeglich mache wel mer logischerwiis au besser zahlt wird denn:) Isch recht en strenge aber sehr interessante Kurs gsi und i bi u froh hani en gmacht. Do sind d Gsetz im Bezug uf Alkohol recht strend und irgendwie isch es mer es raetsel das d Australier trotz all dem no so sueffel sind..das isch imfall unglaublich, ha scho wider vergesse wie da do isch!
Am 26 Jan isch de Nationalfiirtig (Australia Day) und denn isch natuerlich ueberall Party..i chan amene Festival go Promo mache und verdient chli Sackgeld. Nochher bini bim Sean und siner Fruendin iglade, sie hend Huusiweihigsparty und natuerlich fiirets de Australia day..werd selbstverstaendlich berichte wies xi isch:) Am 3 Feb isch do Big day out, so es grosses Openair wies SG oder Frauefelder und doett chani au go schaffe, soett guet si aber sehr streng. Wenn mer do oepper bedient wo bsoffe oder unter 18ni isch chunnt mer e buess ueber vo 4000 Dollar, also noed sehr laessig,mues also ufpasse was i do mach.;)Aber es lohnt sich, so chani gratis all Bands lose und hey foer die wo wuesset wer er isch de Carl Cox spielt..das isch superrrr..:)
Jo und denn chani worschnilich,wenn alles klappet mitti Maerz am Formel eis in Melbourne go schaffem uf das freu i mi wahnsinnig!!!!!!!:)

Gester isch wieder sehr heiss gsi, so das mer gar noed weiss wo ane und schwitzt im sitze und nix tue..viel sind ine ikaufszentru gfluechtet wos klimaalag hett oder is kino, ich natuerlich noed..mini abkuehlig isch s Meer xi..eifach herrlich..aber i bi oeppe all 10 oder 15min wieder go bade..ha also fascht de ganz tag im wasser verbrocht..:) Das hett so sini Abentuer gha..:P es hett do immer recht grossi welle a dem strand wo i amigs gang (doett hetts au immer viel surfer weg de welle) naja uf jede fall gseh i ploetzlich so schwarzi schaette i de welle inne (s wasser isch sehr klar) und ha den denkt i gseh oed recht und es isch eifach irgend e surfbrett oder so..naja denn gseh i ploetzlich 3 Finne und i ha en SCHOCK gha well i denkt ha es seget Haie ( momentan isch staendig ide Nochrichte das Haie gsichtet worde sind do i de Gegend und das mer moess ufpasse etc) aber gott sei dank hend die imaginaere Haie denn es paar guemp gmacht und i ha festgstellt das es e paar Delfin sind...puuh wieder ei mol meh glueck gha;)


*+*uese Strand*+*


*+*hmmm jo so isch das dooo-ufem weg zum Strand*+*



*+*das isch es lebe hehe*+*


Noegscht Woche choeme mer endlich s richtig Internet ueber und au en Telefonaschluss, uf da freu i mi natuerlich. Und Ziit verfluegt scho wieder...mis Mami chunnt scho bald uf bsuech und i freu mi sehr uf da..hoff natuerlich dass sie mer es biz feini schwiizer schoggi mitbringt...oh gott wie ich die vermisse!!!!!*seufz*

Also ich gang ez mol mit uesere duredruellte Katz Meeko go spiele und denn chunt scho mini Lieblingssendig Prison Break..juhee..


*+*Meeko und Britt*+*

Hebet eu sorg und bis gli

Oepfelstruddel und Autopruefig

I ha huet de bescht oepfelstruddel i mim Lebe gesse..Perth isch anschienend bekannt foer de bescht oepfelstruddel (hani huet erst grad usegfunde) i bi fasch verschmolze wo i dae himmlischi dessert gesse ha wo de Craig foer ues hei brocht hett nochem schaffe..
Huet bini mit de Grete de ganz nomitag go poschte..vo Ikea ueber House Works zu Cooles und Target..alles hemer unsicher gmacht und schlussendlich sganz auto voll sache gfuellt..jetzt gseht mis Badzimmer scho es biz meh noch mer uus und s zimmer chunnt au langsam gstalt ueber..:)

Geschter bini im Department of planning and infrastructure xi und han min Australische Fuehrerschii gmacht..und juhee..i chum en inere Woche per Post ueber...:) Ha schnell schnell s Fuehrerschii Lernbuech glese am Strand und bi den am noegste Tag gange...do gitts also scho luschtigi Strosseregle..zum bispiel doer mer noed ueber e eifachi Sicherheitslinie aber ueber e Doppleti doer mer, wenn me mues a dere Stell abbuege..ueberhole etc aber wiederum glich noed...schraegi sach das:) Jetzt doer i also offiziell fahre..also hett vorher au doerfe mitem Internationale aber jetzt bini jo Resident of Western Australia:) Mol luege ob is schaff uf de andere Siite..mini Cousine und de Craig hend sich gopferet zum mol chli mit mier go fahre wel i mi nonig elei getrau (s letzt mol wo i gfahre bi isch im Februar 2007 gsi und doett hani zwei mol fasch en unfall baue wel i uf di falsch siite glueget han bim gegeverkehr:) ohjeee ohjeee..

Spinne hani 5 im Zimmer gha letzt nacht...i mues jetzt also immer under d Decki luege bevor i is bett ine stiige...*schudder*

Bis bald und hebet sorg

Silvester und endlich Fotene choene ufelade:)

Salutti
he i wuensch eu allne nochtraeglich no e super guets neus johr..2008 isch doch so e schoeni zahl, das cha nur es guets werde:)
Min Silvester hani do i uesem Huus verbrocht. Mer hend e Party gmacht und mini cousine hett recht viel luet iglade..mini luet hend leider scho oeppis planet ka, sind im usland oder z melbourne..aber isch trozdem luschtig gsi..nur hetti mier gwuenscht das er alli au doett gsi waeret vorallem du bami..:) Mer hend grilliert, apero selber gmacht und natuerlich hett prosecco und foer d manne s bier noed doerfe fehle. Stellet eu vor, i ha sogar zwei schwizer kene glernt a dem obet und choene schwiizerduetsch rede..das isch schoen gsi:) Mer hends all recht glatte gha..und am noegste tag natuerlich sehr viel zum ufruume..:(

Sus hani mi eigentlich scho guet iglebt do. Mer sind immer wieder chli sache foers huus am poschte und so natuerlich am verschoenere..hett halt leider nonig eso viel sache drinn well mer jo erst neu inezueglet sind. Boesi ueberraschige vo riesespine oder schlange hani zum glueck NO kei gha..hoffe bliibt bi dem..smile. Aber defoer hend mi am einte obet d Mugge sehr gern gha..hehe..
I gang eigentlich jede Tag an strand mitem Velo und gnuess d Rueh sehr do. Di andere seget immer: hei ez gosch scho wider an strand..was isch au mit dier und em strand..grins..i glaub die choend das noed so richtig verstoh was da foer oepper beduetet wo di meischt ziit vom lebe ide berge verbrocht hett:)

Sus isch eigentlich nix speziells gsi ide letzte taeg. Mer hend sehr heiss do teilwiis fascht scho zu heiss..zwei mol isch scho 44 und ei mol sogar 46 grad gsi..huet soetts nur 36 ha und das isch grad perfekt:) Vor 3 taeg hend mer moese de strom usschalte (wiisig vom staat) wel d oelpriise rapide ufe sind und sie sus alles hettet moese abstelle. Isch zimli eklig gsi ohni venti etc...und genau a dem tag isch natuerlich so heiss xi isch doch klar..

Geschter bini s erst mol sit i do bi richtig in usgang..also natuerlich noed schwiizer usgang sondern mer sind am strand im OBH(ocean beach hotel) gsi und hend doett e paar drinks gha und de sunne untergang glueget..nocher isch amigs im obere stock live band und isch recht luschtig gsi..aschluessend hend mer natuerlich no e chli moese seich mache und sind im meer go bade..:)

Endlich ha i en weg gfunde wie i d fotene gschiid chan uf d siite tue..han une dra bim erste bricht "heil in perth acho" e slideshow inetue und tue ez do no e paar vom silvester ine.

I warte leider immer no uf d Registration vom Hebammeverband,drum gseh i schwarz zum de monet scho afo schaffe...bi froh wens im maerz klappet..i lueg ez eifach mol chli umme und schaff halt zerst oeppis anders bis i chan im spitol afange. bi au noed boes wen i i dem hammer wetter kei nachtdienscht mues mache*smile*

Und foer die vom Gebs: er froget bestimmt die armi ursi ob i scho oepper kenne glernt ha..hehe NEIIIIIII..niemer,interessiert mi noed woerkli oepper do..bi happy so wies im moment isch und er wuesset jo selber wies isch mit dene manne*grins*

soo i hoff eu gohts allne guet und meldet eu mit news etc:)) freu mi immer drueber!!!und zum nomo erwaehne, falls oepper uf bsuech will cho..mer hend also es gaestezimmer:)

bis baaald:)