So endlich bini do acho noch dere lange Reis. Bis uf Dubai isch es eigentlich relativ schnell gange und obwohl de flug pumpe volle xi isch, isches noed so schlimm xi. Z Dubai hani denn choene ide Businessclass Lounge chli relaxe, so viel wie i ha woele vom feine Bueffet esse und TV luege(was i aber noed gnutzt han wel i eifach todmued xi bi und nu no ha woele schloffe):P
Vo Dubai uf Perth isch es super gange und i has sehr gnosse i de Businessclass z fluege ( ha mit mine Flugpuenkt choene upgrade). Isch halt scho total es anders fluege eso..d Businessclass isch zimli laer xi und i hett sogar 3 Sitz foer mi elei gha (wa i aber natuerlich noed brucht ha wel de sitz chamer ine halbs bett umwandle und d bei hend also meh wie gnueg platz!:P)
S Esse isch de hammer xi..die hend einem tischet wie imme 5Stern Hotel mit Silbebsteck nd Bluemli etc..mega!und hett natuerlich au es 3 Gang Menu geh..Zum Zmittag hetts als Vorspiis en Arabische Mezze Teller geh(hett mer alles choene uswaehle aber i verzell eu halt ez eifach da wo i gno ha..hehe)den en salat.zur hauptspiis hetts denn lachs geh ud zum dessert fruecht,coconut und schoggi mousse(*lach*also Nini,Dante und Javi er wuesse t jo..)Denn hett jede no so es herzigs nessecaire becho wos sogar bulgari seife,creme und parfun drin ka hett..heieiei..do isch mer sich vorcho wie en oder VIP:)Den hetts nomol oeppis znacht geh: da mol hani vorspiis weloh wells eifach zu viel gsi isch..den poulet anere feine sauce mit so orientalischem zuegs..als dessert wissi schoggi glace(*g*)hammer fein!
Mini "cousine" Grete und ere Fruend Craig hend mi am Flughafe abgholt am 3 am morge (mer sind do 8Stunde voruus vo de schwiiz). Sie sind denn grad is bett aber i ha irgendwie noed so richtig choene schloffe..
Huet simer am Mittag go poschte und ez goemer den no an strand..mer wohnet all 3 zeme grad am Strand (Scarborough Beach) und s isch eifach super..s choenn mengmo chli chuehler sii (momentan sinds grad 42grad) vorallem hett ueses huus noed di bescht aircondition alag. Morn goemmer denn in ikea well s huus halt no zimlich leer isch..uf da freui mi..fotene choemet den no noo ..has nonig uf de pc glade..
aber i mue sege...vermiss es paar vo eu scho...vorallem family und di mini bamtscha..
soo..ez hauis mol mi go icreme(mini cousine isch scho schwarz vor luuter bruu sii...hehe)sus chumi denn use wie en roast beef:P
woer mi u freue bald vo eu z goere und hebet sorg..
