A Day on the Green

Gester, am Sunntig 30.03 bini in Bunbury, das isch 2stund suedlich vo Perth mitem Auto, go schaffe am A day on the Green wo de Jimmy Barnes unter anderem gspielt het. Isch e wunderschoeni Location gsi ufeme Golfcourse und s Volk isch natuerlich es biz aelter gsi als das Volk a de Festivals wo i bis ez gschaffet han. Hett mer gfalle und isch laessig gsi mol oeppis anders z gseh. Huet, am Mentig hani endlich wieder emol en Tag wo i nix vor han und frei:) Stellet eu vor, es regnet scho di ganz Nacht und i bi noed emol truurig, es isch u schoen..s 2ti mol wo i Rege gseh sit i do in Perth wohne..;)En super Tag zum endlich emol is Museum of Arts go, wo i scho laengstens emol han woele aber nie gange bi, wels mi greut het i dem schoene wetter z go..;)
Liebschti gruess vo de andere siite vo de welt a eu alli..hoff es goht allne guet

damit er eu choend vorstelle wies usgseh het:

Tiger Lils

Do es paar Pix vom schaffe...


d michelle und i am bloedle;) eigentlich soette mer s Restaurant fuer de noegst Tag vorbereite aber mer hend gfunde mer tuend chli anders mache wie d Huet wo d Gaest bechoemet wens esse ade Bar bstellet(damit mers findet) azlegge;)

Nochem schaffe eis am trinke..de Anne schafft mit mer ( dae rechts)

d Michelle und i :)

endlich wieder en tag am strand

Huet morge hanis endlich wieder emol an Strand gschafft und es isch himmlisch gsi...han de strand fasch fuer mi elei gha..so wunderschoen! Di letzte 2 Woche hani recht viel z tue gha und den bini no es paar Tag krank gsi und drum hanis noed an Strand gschafft..aber das huet het wunder gwirkt und d sunne tuet eifach superguet:) Noegscht woche hend mer do in Scarborough d Surf Lifesaving Championships und sie sind alles am ufbaue momentan..wird also oeppis los sii do noegscht woche..wird eu natuerlich ufem laufende halte:)
Sus gohts mer super, han viel neui jungi luet kenne glernt durs schaffe und bi immer echli unterwegs:)

Scarborough Beach...eis vo mine lieblingsplaetz uf dere welt:) :









d gruescht am strand sind normal noed doett..das isch alles fuer d championships noegst woche

echli vom Alltag

Ganz langsam fangt de Summer a z end go. D Taeg sind meischtens no recht warm/heiss aber es hett ez au scho zwei mol gregnet(isch aber immer no warm gsi)und ide nacht brucht mer jetzt e decki wenn mer s fenster offe lot was uf ei art no schoen isch wel de schlof viel besser isch als wens so unendlich heiss isch und me sich vo einere siite vom bett zur andere quaelt wel mer noed schlofe chan weg de hitz:)
Mit de Registration im Spitol hetts immer nonig klappet und i han jetzt im Tiger Lils ( www.tigerlils.com.au fuer die wos interessiert) afo schaffe. Es isch no recht laessig wels halt u viel jungi Luet hett us de ganze Welt. Mer hends immer u luschtige bim schaffe (naja chunnt druff ah mit wem das mer schaffet). S Esse doet isch wunderbar (ha zwor nonig viel probiert aber es gseht eifach HIMMLISCH uus) und d Cocktails de traum. Aber es isch halt noed oeppis wo i fuer langi ziit mache choennt oder woett. Naja emol luege was sich so ergit..das isch jo s spannendi am Lebe, me weiss nie was Zuekunft einem bringt..smile. Mer gohts sehr guet sus. I fang noegst Woche mit Joga a und mach au sus immer irgend oeppis zum fit bliibe(oder geb mier zumindest mueh)Weni amigs dur d Gegend lauf denk i jedes mol: wow..und do wohn i jetzt..bi total happy han i de schritt gmacht. Zwor vermiss i es paar vo eu aber i weiss das er immer doett sind und umgekehrt(die wos betrifft wuesset wer i mein..smile) I han au scho es paar meh luet kenne glernt wo i ab und zue weg gang und was unternehm, das tuet guet und macht freud:) Aber es brucht halt alles sini ziit. Naja s einzig ander wo i chan sege: d surf saison chunt langsam...juheeee...!*grins*
I hoff eu allne gohts guet und wie immer, i freu mi ueber euri Mails..den gseh i das er mi nonig ganz vergesse hend;)
Schick eu sunneschii und liebi gruess und bis bald wieder:)

PS fuer die wo do bim blog noed so druss choemet..es hett noed nur die fotene und bricht wo uf de siite sind..di aeltere sind rechts ide spalte zum aklicke..:)und i ha ez au gmacht das alli choend kommentaer schriibe..wen er also luscht hend,freu i mi natuerlich druber:)

Geburi vo de Grete

Am Zischtig isch de Grete eren Geburi gsi und i ha oeppis chliises fuer sie organisiert. Wo sie heicho isch het sie s gschenkli vom craig und mer doerfe ufmache und i han ere no en struss Lilie kauft(ach sooo schoeni blueme*smile*)Denn simmer ad Universitatet vo Western Australia wo i scho mol im openair kino gsi bin. I ha e picknick gmacht und mitngnoh und mer hens denn zwueschet de pinie baeum gnosse mit ere flaesche champagner:) De Film isch no recht glatt xi das mol:) Wo mer hei sind hetts den no Geburichueche geh und nocher simer no in Club wo d Grete amigs schaffet..i bi aber u mued gsi und sehr frueh hei..


eres gschenk und di wunderschoene Blueme

Craig und Grete

di drue girls Grete, i und Collette

Grete am Geburichueche..;)

hmmmm de chueche isch doch guet xi:p

Future Music Festival

Am Sunntig isch do wieder emol es Openair gsi und i ha us fun gschaffet. Mer hends immer zimlich luschtige waehret em schaffe und drum isch es noed woerklich harti arbet obwohl mer immer viel z tue hend:) Uf jede fall bini den noch es paar Stuendli gange und mit es paar Kollege doett go dance und Sven Vaeth, Roger Sanchez und Chemical Brothers go luege..eifach super gsi. Noch em Openair, wo oeppe am 10ni am obet fertig xi isch, simer mitem VW Buessli vom Kolleg id Stadt und doett no inen Club biz do tanze..wie mer ade fotene a xet hend mers super gha:)



Future Music Festival

zwei grossi smiles;)

Sven Vaeth

Roger Sanchez

Jill und i

Rich und i

dave und rich

dave und i

di drue girls..hehe.sie links, d laura isch e gueti kollegin:)