wider diheime juhee

Ach isch das schoen wieder zrugg in Perth z sii..hans richtig vermisst au wenn di ander siite vo Australie himmlisch isch..aber das isch halt eifach s "dihei" und s wetter isch natuerlich viel viiiiel besser.wo i gester nacht acho bi isch es immer no 32grad gsi und am morge am 2 29..eifach super:) jetzt han i wieder d rueh..am morge ufstoh mit blauem himmel und 30-40grad..juhuuu..beach im comin:)

Sydney

Wells jo noed so wiit isch vo Melbourne uf Sydney hani daenkt i choennt es paar Taeg no doett ane zum paar Luet bsueche:) De Flug isch so billig das es bloed waer die Moeglichkeit noed z nutze:)I bi am Fritig Mittag acho und den sind mer in Cafe Syney(grad am Darling Harbour) go Zmittag esse..super Crevette etc und en feine Wii zum esse. Am obet simer den go Indisch esse noch dem mer paar Cocktails us ere echte Kokosnuss drunke hend und min Kolleg hett den muese go uflegge ime Club(er isch en DJ und Produzent do in Sydney und hett sis eigeni Label)was mer sehr passt hett well i wieder mol chli zu minere lieblings-usgang Musig han choene dance;) AM Samstig simer den go zmoergele und den an Fischmarkt. De isch de hammer gsi..so viel verschiedeni Sache und Luet, sehr interessant. Mer hend den Scampi und anderi verschiedeni Meeresfruecht wie au es paar verschiedeni Chaes, Olive und en feine Champi kauft wo mer denn zum Znacht gesse hend (scampi ufem grill mit chilli sauce..mmmmmh)AM Nomitag sind mer an Bondi Beach go d Skate Weltmeisterschafte luege..das isch super xi..viel funky luet, gueti Musig und e hammer ussicht uf di grosse Welle wos gha hett a dem Tag am Bondi beach...traumhaft.am sunntig simer den go Yum cha esse und vo dem viele esse hani nueme moege zmoergele etc..am Nomi bini den uf d Faehre vo Circular Quai uf Manly wo i am Mami sini Fruende troffe han. Mer sind den, er werdets noed glaube, scho wider go esse am obet und wieder sehr feins Seafood...mmmhmmmhmmm. I ha den bi ene uebernachtet und bi am noegste Mittag wieder uf de Flugi zrugg uf Melbourne. Super Weekend gsi.. Do es paar Impressions...


Opera House

typisches Touri Bild;)

Ussicht ueber Sydney vom Center Point

Ussicht ueber Sydney vom Center Point

De Stu und i im Park


Skate Weltmeischterschafte Bondi Beach

De Stu und i ade Skateweltmeischterschafte

Eine vo de Skater at Bondi Beach


Kokosnuss Cocktails...mmmh di BESCHTE:)

Ussicht vo Jill and Freds Terasse..was fuer es Lebe!:)


Uf Jill and Freds Terasse am Zmoergele

Barwon Heads

S Mami und i hend ues entschiede das mer es paar Taeg id Ferie goend( Ferie vo de Ferie...ach was fuer es strengs lebe mer hend*g*). Mer sind den mitem Auto uf Sorrentwo und doet mit dae Faehre noch Queenscliff. Ufem Weg hend mer 2 riiiiiese Delfin gseh, i ha also im ernst gmeint es seget Haie die sind so riesig gsi..beid oeppe 3 Meter lang. Also mini Tierkenntniss hend sich vo dem Moment ah erwiteret;P Uf jede fall sind mer den vo Queenscliff noch Barwon Heads gfahre(alles i allem isch d Reis oeppe 2,5 Stunde gange mit diverse Stops wo meren Kafi go trinke sind und in Queenscliff hend mer no Scones und Tea gha..mmmmh..mis lieblings zvieri;))Doet sind mer ime Caravanpark imene chliine Boatshead blibe. Es isch wuenderschoen gsi und mer hend d Rueh, Ussicht und uesi super Znacht etc i volle zueg gnosse. Mer sind drue Naecht doett blibe und nocher wieder zrugg zu minere Grossmueter noch Chelsea.
Es isch schoen gsi mit ere so viel Zit verbringe:)


S Mami und i bevor mer uf d Faehre sind in Sorrento

ueses Huesli in Barwon Heads

znacht uf de therasse

oepper wo s wetter ebefalls eso gnuesst wie mer;)

charte am schriibe fuer d family;)

en surfer am morge frueh vorem schaffe

waehrend em spaziergang


Zmorge uf de Terasse

Point Lonsdale Light House


Uese super Znacht uf de Terasse

;) chli es schrecklichs pic aber mer sind sehr mued xi und vom Strand cho. Am obig isch es eher frisch gsi und i als gfroehrli ha en Pulli brucht*g*

Barwon Heads

uf eim vo uese taegliche spaziergaeng in barwon heads

Melbourne

I bi am 14 Feb uf Melbourne gfloge zum mini Grossmueter und Kollege und natuerlich au mis Mami gseh:) Isch e super Ziit gsi mit viel fun aber s Wetter isch miserable gsi. Ha nur zwei mol choene an strand. Es hett sehr viel gregnet und isch kalt gsi..ha richtig s Perth Wetter vermisst..;)


uese Kolleg wo s Mami entdeckt hett;)


Chelsea..de Strand grad vor em Huus vo miner Grossmueter

Strandhuettli Chelsea Beach

Strandhuettli Chelsea Beach


;)


Min beschte Kolleg de Tim und i am Albertparklake am zmoergele


Ussicht vo ALbert Park uf Melbourne Stadt


di drue Generatione;)

en film vo mim bruederherz...

a film for my great sister Britta

Add to My Profile | More Videos

En normale Samstig

Huet morge hani mitem James, er isch englaender und en kolleg vo mer, zum Zmorge abgmacht in Cottesloe und mer hend en WUNDERBARE zmorge mit Latte Macchiato und frische Fruecht, Joghurt und Muesli im John Street Cafe gha. Nochher simer chli an Strand und hend s schoene Wetter gnosse..lang hend mer noed ziit gha wel i han muese hei go putze und denn schnell go ikaufe..mengmol schwierig wenn mer so en wunderbare Strand vor de Huustuer hett..;)

Es paar Taeg im Suedweste

Wel s Mami do uf bsuech isch hend mer beschlosse es paar taeg in suede abe z fahre. Mer hend es Auto gmietet, wel das wo mer do hend isch e z grossi schlotterchischte zum im outback unterwegs sii..mer woend jo noed es brennends auto und muese stunde uf hilf warte..grins.Mer sind den ueber Mandurah,ueber Bunbury uf Busselton wo mer ufem Jetty (Steeg) wo bekannt isch fuer de lengst Steg vo Australie isch mit 1980meter. Denn sind mer wiiter uf Dunsborough wo mer im Feriehuus vo uese Bekannte hend choenne uebernachte. Uesi Reis isch denn witergange uf Meelup Beach, Yellingup, Margaret River und natuerlich i es paar ganz schoeni Restaurant und Cafis wo mer sehr gnosse hend. Am Morge bin i amigs mini Jogg-Rundi go mache und s Mami en Spaziergang, am obet simer immer go laufe und hend vieli mol Kaenguruhs gseh( sie choemet immer use bi sunne uf und untergang):)

Summerville Openair Cinema

Am 1. Feb isch s Mami us de schwiiz agreist zum mi bsueche was mi natuerlich sehr gfreut het:) Das Wochenend (vor em Big day out, also am 2.Feb) sind mer mit eme Ehepaar wo mit ere guet befruendet isch, as Summerville Openair Kino. Mer hend es picknick und wii mitgno und uf de Wiese unter de Palme und Pinetreas gnosse. Wos dunkel worde isch hett den de Film agfange und i bi fasch igschloffe..i denk es isch d Sunne de ganz Tag, de Wii und de agnehm warm wind wo um min chopf ume gschwirrt isch xi:p


Ueses Picknick vorem Film