In Indien..

Hallo mini liebe..so ez isch es endlich sowiit und i nimm my next challenge uf..min langersehnti Trip noch Indie/Tibet:) Falls er also es wiili nix ghoeret, ich han keis Natel und kein Laptop etc..werd mi denn irgendwenn mol melde weni mol ines Internetcafi gange zum eu sege wies mer got etc:)
Bis auf ein baldiges Wiedersehen und hebet sorg..
Britt (now in India):)

Abschieds Esse

Am Samstig obet sind mer all go esse gange in Fremantle( Jill,Scott,Michelle,Anne,Stee,Seng und i) i eim vo mine lieblings Restis em Gyspy Tapas..nochher hett mini guet Fruendin d Jill unbedingt no woele is San Churro (Chocolaterie)woele go damit i de lecker Desert fuer immer i bester Errinnerig han;) Noch de wunderbare Spanish Doughnuts mit wisser,milch und caramelschoggi sauce simer no is Little Creatures ufen Drink und denn hei..

Whiteman Park/Caversham Wildlife

Huet sind d Stee und i in Whiteman Park gfahre mitem Bus zum in Caversham Wildlife Park z go damit d Stee no d Koalas,Kaengis,Wombats und und und xe het choene..es isch en wunderschoen sunnige Wintertag xi und mer hend en luschtige,schoene,gmuetliche Tag gha..do es paar idrueck:)

Es Lebeszeiche:)

So, endlich hanis gschafft und ziit gha (es isch 2 am morge und i cha noed schlofe, also hani e Beschaeftigung brucht hihi)min Blog wieder mol chli uf de aktuelli Stand z bringe. I lebe also no und es goht mer wider besser..bin wider im Alltag und funktioniere (mol besser mol weniger aber das brucht halt ziit):)
Wie er gsehnd isch mis Lebe also doch noed eifach still gstande sit em Maerz:)
Jo, die Woche isch au scho mini letzt Woche do im Spitol bim schaffe und i bi fliessig dra mini siebe Sache am zemepacke (ei mol meh). Fuer die wos nonig wuesset, ich neme mini noegst Useforderig a und fluege noegst Woche es Ziitli uf Indie..:)
Min lang ersehnte Traum setz i endlich id Realitaet i. I werd am Dunnschtig noch Delhi fluege via Kuala Lumpur, wo i denn en Tag Ufenthalt ha und die busy city erkundige werde. In Dehli werd i denn di erste paar Naecht ime Gasthuus sii und chli Delhi, Agra( Taj Mahal) etc erkunde und chli Touriste Sache mache. Nochher goni 10Tag ines Ashram oeppe 20km vo Neu Delhi entfernt, wo i e 10Tages Vipassana werde mache. Noch dem werdi denn in Staat Rajasthan reise und nocher wiiter richtig Bihar uf Varanasi. In Bihar hani d Moeglichkeit ime Buddhistische Tempel (oder natuerlich nebetdraa)z bliibe und evt im Medical Center chli z helfe (mol luege wie alles klappet und wies mer goht etc). Wenn i noch Varanasi (das isch d Stadt am Gagnes wo d Pilger anegoend)no ziit, geld und chraft han, werd i richtig Himalaya reise wo i gern d Stadt Kathmandu, wo am Fuess vom Mount Everest isch, z erkunde..doett umenand hetts au u vieli Buddhistischi Tempel (wo mi natuerlich sehr interessieret) etc..juhui, freu mi sehr.
Noch Indie werd i denn es wiili id Schwiiz cho..weiss nonig gnau wie lang und wo und wie und was aber das isch mol de Plan.. Wie lang i in Indie bliib weiss i au nonig..han s Visum mol bis endi Johr, aber wuerd natuerlich am 19.Sept sehr gern a de Alex eres Hochziit cho ide Schwiiz drum chumi evt uf denn scho..mal schauen wie alles got..wenn er also es wiili nix ghoeret vo mer isch es well i in Indie bin. I werd keis Natel ha und halt de Laptop au noed mitneh(chli schwer zum alles umeschleppe und i moecht mi i dere ziit vo dene elektrische graet trenne) Wenn i mol es Internetcafi ufsueche, werd i natuerlich es Lebeszeiche vo mer geh!
So, i hoff er gnuessets mini neue Updates vo de letzte fascht 4 Moenet z lese (mer chan den d Collage groesser aluege wenn mer uf s Foti klickst fuer die wo das noed wuesset)und hoff eu gohts allne guet und er choend chli Sunne und Waermi im Schwiizer Summer gnuesse
:)

Dunsborough

Letzt Woche hani wider mol es paar Taeg frei gha und bi denn uf Dunsborough gange zum chli relaxe. Da isch im Suede vo Western Australia, grad ide noechi vo Margaret River. Han's glueck das Christina und John doett e Feriehuus hend wo u schoen isch und super glege und ha doett doerfe sii..Es isch u wuescht Wetter xi und meistens hett mer noed viel choene mache usser eifach dihei neb em Fuer sitze und entspanne mit ere heisse Tasse Tee..I bi no chli go spaziere und ha wie immer doett unne au viel Kangaroos xe ide Wildniss. Natuerlich hend 2 Bsuech i mim lieblings Cafe/Lade/Yoga Center em Samudra noed doerfe fehle:)

Western Australian Country Farm

vorletzt Woche bini e paar Taeg uf Land gange. Um gnauer z sii uf Boddington, das isch oeppe einehalb Stunde vo Perth eweg, zu de Ros uf eri wunderschoeni Farm wo sie selber ufbaue hett. Sie hett 2 Ross,2 Huend, Schoef (vom Nochbuur), und uuu viel Fruecht (Orange, Manderinli, Zitrone, Limone und und und),Gmues, Kruetli etc im Garte und es isch eifach magisch gsi. Mer sind go spaziere (nur scho dur eres Land und das vom Nochbuur(naja en Teil) hend mer fasch 40min gha das isch so gross), hend en usfluug uf Williams gmacht( oeppe 40min vo Boddington Landiiwaerts)is Doerfli,hend kochet, und am Obet chli Chaes und Wii gha und The Dutchess glueget;) Mer hends echt mega schoene gha (d Christina isch au mitcho) mer 3 und i waer am liebschte grad doett blibe es hett mer so wahnsinnig guet gfalle!!!

Champagne Breakfast

Vor oeppe 2 Woche hani es Champagne Breakfast im Leftbank in Fremantle organisiert damit mer enand wieder mol chli gsehnd..isch u schoen gsi und au en wunderbare Tag. Mini guet Fruendin d Jill, Michelle, de Seng, d Melissa und ere Fruend de Kevin und au am Lars sini Fruendin d Stee sind doette xi..es isch en schoene sunnige Wintertag xi und mer hends natuerlich gnosse:) Sind nochher denn no zu de Michelle uf Crawley gange uf en Wii und es paar Tapas, well sie grad zueglet hett ine mega schoeni luxus Wohnig mit 4 andere:)

Melville Markets

Wel i jo uf Indie gange und mini Sache noed alli chan mitneh ( i schick es paar per Flugfracht id schwiiz)han i woele di meischte, unnoetige Sache verkaufe. In Melville, das isch oeppe 5min vo Fremantle suedlich, gitts am Sunntig amigs en Markt wo mer chan alles moegliche verkaufe. Also sind d Stee(min super helfer)und i am 4.15 ufgstande damit mer am 5i hend choene doette sii und en guete Platz becho (mer sind bi wiitem noed di erste xi) Es isch crazy xi,u chalt und sogar am halbi 6i hetts scho luet gha wos einem fasch unmoegli gmacht hend d sache us z packe wels sich um mis Hab und Guet grisse hend..katastrophal!I han den no es paar Zoepfli gmacht und au de Stee eri selbergmachte Muffins hend mer verkauft zum bis extra Reisecash z verdiene:)Isch en super laessige Tag und definitiv es mega erlebnis xi fuer ues beidi:) Hend viel fun ka. Nochher simer denn is Little Creatures go zmittag esse und denn no an Cottesloe beach chli go es mittags-schloefli mache:)

Footy Game

I han d ehr gha und ha doerfe mitem Scott, eme guete Kolleg vo mer, id "Box" goh vo sinere Firma und mini Lieblings Footy Mannschaft d Hawks (Hawthorn, das isch in Melbourne) gege d West Coast Eagles (die sind vo Perth) spiele. I de Box hetts rund um gratis Esse und trinke geh..isch ues also super gange, vorallem wos agfange hett regne und die dusse nass worde sind;) Sind halt leider ober hohli pix aber ha denkt i lads trotzdem ufe fuer eu zum luege wie das so isch:)

Elizabeth's 60th Birthday

Am 9 Mai isch de Elizabeth , e gueti Fruendin vom Mami und de Familie, ere 60igst Geburi xi. Sie hett ues alli iglade zum Tag der Offenen Tuere bi sich diheime. Sie hett eis vo de aller schoenschte Hueser wo i je i mim Lebe xe han (menschlichi meini) und i han ere wieder ei mol meh muese sege, wie i mi jedes mol vo neuem wieder i das Huus verlieb!:) Es hett wunderbars Esse geh (Tapas, Sushi und und und) und u herzigi Cupcakes..natuerlich alles mit Stil und liebevoll zuebereitet:) Wie uesi Elizabeth halt isch..e Stylischi Lady:)

The Brisbane Hotel

Irgendwenn im Mai sind d Michelle und i ad Sunday Session im Brisbane Hotel gange. Do isch de Sunntig Nomi/Obet amigs fasch groesser wie en Samstig und fuer mi isch es sowieso amigs de "Samstig Obet" well i meistens am Sunntig frueh mues go schaffe go..und d Sunday Session isch laessig well mer halt am spote nomi got und am obet irgendwenn um di 10ni au hei is Bett got:)
Wie immer hend mer natuerlich es Chaeferfescht ka:)

Cottesloe Beach

Natuerlich hani de Stee de Cottesloe Beach muese zeige, also sind mer mitenand doett abe spaziert und hend denn doett es Kafi gno:)

Lieblings Lade in Freo

Natuerlich het e Tour de Kakaluka Sisters (mim lieblingslade in Fremantle)noed doerfe fehle wo i de Stee Fremantle zeiget han:)

Scarborough Beach

I Han es paar Sache muese am Ort hole in Scarborough wo i vorher gwohnt han und den sind d Stee und i grad no chli go spaziere doett am Strand. Es isch, wie mer gseh chan, sehr sehr windig xi..

Kings Park

I han de Stee de Kings Park woele zeige drum hend mer de Nomitag ide Sunne doette zeme verbrocht und e wunderschoeni ziit zeme ka

Claremont Fair

Mer sind alli zemme (Fam Shea, Brans und Vaughan) an Claremont Fair gange und am noegste Tag an Asher sin 2.Geburtstag. S Wetter isch natuerlich wider mol schoen gsi und mer hends sehr gnosse. D Blueme hani vo eme Paar bim schaffe als Danke becho:)

Ostere mit de Family Armstrong/Isaacs

Uebere Ostere bini bim Mami sinere beste Fruendin, und au natuerlich ere sehr sehr guete Familiefruendin vo ues xi. Mer hends u schoene mitenand gha. Mer sind viel go spaziere, hend wunderschoeni Muschle gsammlet und chli Mobiles bastlet, gmolet, Tee trunke, kochet, bache, cafe go trinke, tarot karte zeme gleit und und und..eifach wunderschoen xi alli wieder z gseh (natuerlich wohnet nueme alli diheime) aber am Ostermaentig hend mer bsuech gha vo ere sine chind: Harry und sini Fruendin Tash wo in Red Hill wohnet, de James mit sinere Frau de Toby, wo im Kangarooground wohnet(recht ufem Land) und de Kelly mit erem Kolleg/Fruend(weiss noed gnau wie aktuell es isch und was isch etc)de Edward wohnt no(oder hett im April no)bi de Kim dehei gwohnt. Mer sind den unter anderem au mol no uf Box Hill und hend de Iffy und sini neu Partnerin ime Vietnesische Resti troffe zum znacht wels em sin Geburi xi isch..

Chelsea/ Mount Eliza mit de Nanny

Es paar mol hani waehrend mim laengere Melbourne ufenthalt im April au natuerlich Ziit mit de Nanny (mini grossmueter) verbrocht. Sie isch es paar Tage im Spitol xi und wos ere besser gange isch sind mer denn go zmittag esse etc.. Natuerlich hett en Bsuech im Linton's (ueses "Stamm-cafe" in Mount Eliza) noed doerfe fehleAu es paar Trips id Shops, de Apothek und und und sind natuerlich drin glege, zum paar sache fuer sie z organisiere..isch guet chan sie noed schwiizerduetsch sus wuerd sie ez mit mer schnorre das i das do inne schriibe tue;)

Geelong bi de Pauline

Unter anderem bini au i dere Ziit in Melbourne(April 09)mini liebi Stiefgrossmueter d Pauline und eres chlini neui Huendli d Lily es paar Taeg go bsueche in Geelong. Mer hend wie immer e geniali Ziit gha mitenand, do mer sehr guet ueschoemet. Mer sind viel go spaziere, uf chliini usfluegli und natuerlich e wunderbari Ziit zeme verbrocht. Mit de Tanja, minere Tante, hani au es paar mol oeppis gmacht. Mer hend ues oeppe ide Stadt troffe zum Sushi esse im Park und au in Geelong, wo sie, ere Maa de Ros und eri 2 Buebe de Lachlan und Jarrad wohnet:)

Melbourne City April 2009

Im April bini en monet uf Melbourne chli e "uusziit" go neh do's mer noed so rosig gange isch und i chli "Familie"brucht han..do es paar impressions vo e paar Bsueachli ide Melbourne City..Natuerlich hets mer sehr sehr guet gfalle mit all de wunderschoene Architektur und em Charakter, was do in Perth halt nirgends gitt;)