Es wird summer..

Di letzte paar Taeg isch wunderschoens wetter gsi und es wird immer chli waermer..am tag dur chammer locker mit kurze hose und tshirt umelaufe und am strand mitem bikini sunne tanke;)Am obet wirds aber doch no chli frisch,so das mer en pulli mue alegge. Huet nochem schaffe bini 3h am strand gsi,wunderschoen. Han den d Tracy troffe und mer hend de Sunneuntergang ime Cafe am strand bi ues unne gnosse:)do es bloedli pic:)

mini chli cousine

D Gaia hetts sehr gnosse ziit i mim Zimmer z verbringe..Lars, sie hett dini chline Filmli wo mer gschickt hesch gliebt..vorallem de vo der und de Nini wo er am bloedle sind;)

Diplomfiir vo de Grete

Gester isch de Grete ihri Diplomfiir gsi. Sie het Film und Video studiert. Uesi Verwandte(also eri schwoester und mam und au min onkel(isch mit erer schwoe verhuerotet)wie au mini 2cousine)sind do ane gfloge fuer de spezielli tag:)noch de Fiir hemer do bi ues e BBQ gha,schoen gmuetlich:)

d blueme links sind vo mer:)eri lieblingsblueme und farb:)

Grete am Bruschetta zuebereite:)

mini chli cousine d Gaia

d Dips wo mer gmacht hend

d Family und de craig(min mitbewohner)

Mini chli suess cousine d Saloma

Grete und de Craig am grilliere

Fremantle

Am Samstig sind d Courtney und i wieder ei mol meh uf Fremantle an Markt und denn hend mer doett zmittag gesse ime chliine organic cafe wo mer gfunde hend..sind denn chli ide sunne ghoecklet und hend de nomitag gnosse..herrlich:)

gstrandete Buckelwal und 2 Haifisch

Gester nacht isch in Hillarys Boat Harbour( das isch 15min vo mer eweg) en tote 15 Meter lange Buckelwal gstrandet. Si hend recht Problem gha de Wal weg z bringe wel er so gross und natuerlich au tonne schwer isch. De ganz Tag hends verbrocht und mit verschidene Krane versuecht und schlussendlich vor e paar Stunde gschafft en weg z bringe. Leider hett de toti Wal zwei riesigi Haie aneglockt, die sind immer no doett am umekreise (hungerig). Anschienend schmecket die da no Woche nochher und choemet immer wieder zrugg. Am Samstig hetti doett en Surfcontest soelle statt finde. De hends jetzt natuerlich muese absege und es isch strengstens verbote doett go schwimme di noegste Taeg/Woche. Do es paar Pix (weiss isch echli gemein und noed richtig e tots tier fotografiere aber so hend er e ahnig wies usgseh het) und zum erwaehne, es hett bestialisch gstunke!

Kings Park

Huet bini wider mol in Kings Park go spaziere weli frei gha ha und gfunde ha i soett wider mol was schoens mache:) Bi denn d Karina, mini brasilianischi kollegin, doett go bsueche wel sie ime cafe doet schaffet..:)Die Woche choemet d Courtney und i bscheid ueber wegem neue Huus und sind scho ganz zappelig..isch u noech am strand (4min laufe oder so)und vo de groessi perfekt:)halt eu natuerlich ufem laufende wie immer. Mit de Registration als Hebamme gohts au endlich vora..sie hend endlich all mini Dokument agno und ez muesi nur uf s Papier warte und denn gohts ENDLICH los:)Ha au scho paar Job Agebot..und i 3 moenet bini jo scho ide schwiiz uf bsuech..unglaublich wie schnell die ziit verbi goht..
So,do no es paar pix vo huet nomitag..wie er gsehnd isch es do richtig fruehlig..u schoen mit allne Bluemli:)

City2Surf Renne

Gester hett do in Perth s City2Surf Renne statt gfunde. Das isch es Renne zum Geld sammle zum ane Organisation Spende wo behindereti Mensche unterstuetzt. Es hend das Johr 36,825 Luet mitgmacht..vo jung bis alt. Es hett verschiedeni Kategorie geh..es hett en Marathon, en halb Marathon, 12km Renne, 12km Lauf, 4km Renne, 4Km Lauf und 11m Rollstuehlrenne geh. I ha im 12km Renne mitgmacht wo d Cathy Freeman au grennt isch(aber eher us spass..)I bi schneller gsi als i denkt ha und bi u zfriede gsi mit mer selber*smile*es hett sogar e Medallie geh:)juhuiiiii hihihi..aber es hend all eini becho(verschideni..je noch dem wie mer abgschnitte hett und was mer grennt isch)Leider hani di gnau ziit nonig, wells erst am Do am 4te Sept online gschalte wird und di beschte 8000 werdet ide Ziitig ufglischtet. Leider hani mini cam noed choene mitneh(waer im waeg gsi bim renne)ha aber es pic vorher und nocher gmacht fuer eu und es werdet denn no es paar pix publiziert wo i glaubs au no irgendwo druff bi..da ladi denn nochtragend uf..und de ziitigsartikel vo de huetige Ziitig wos au bilder hett(leider hett mes noed choene abelade)choend er unter dem Link aluege: http://www.thewest.com.au/default.aspx?MenuID=77&ContentID=95285




vorem Renne..isch no dunkel gsi wel mer am 6i hend muese go vo diheime


bim start vo St.Georges Terrace i de Stadt

dur d Stadt


juhuiii;)



Funshot:hehe wenn mer scho mol eh Medallie hett soett mer sich au wie en richtige Athlet beneh*grins