Samstig Usflug id Perth Hills

Huet morge sind d Courtney und i frueh ufgstande und id Perth Hills gfahre. Da isch oeppe e Stund Autofahrt vo do in Scarborough entfernt. Mer hend de Tag mit lange Spaziergaeng und feinem Esse ie vegetarische Cafe verbrocht. Es isch en super entspannende Tag gsi und s Esse eifach HIMMLISCH..isch gsi wie wenn ueseri Mams kochet hettet..richtig gsund,natuerlich und mit Liebi zuebereitet:)

The Hang out

Huet hani wider mol luscht gha was unterneh und wel i scho sooo lang nueme kletteret bi hani d Grete und Collette gfroget obs luscht hend mit mer id Halle z cho was mer denn gmacht hend. D Halle isch 20min Autofahrt vo ues dihei in Bayswater und heisst The Hang out..isch viel chliner gsi wie d Halle wo i vo de schwiiz kenn aber isch laessig gsi wider mol chli chlettere..ez simer all todkaputt und parat fuer s Bett;)

Sunday @ Scarborough

Leider hani huet muese schaffe..wels so schoen wetter gsi isch hani s cafe aber fruehner gschlosse und bi mit de courtney an strand bi ues unne..mer hend denn luscht gha en drink z ha(noch eme astrengende crazy wochenend wo viel passiert isch) und hend Midori im Bottleshop gholt und am Strand de Sunneuntergang glueget noch dem mer d Sunne gnosse hend:)Nochher simer go Vietnamesisch esse..superfein xi:) und scho isch wieder e Woche meh ume..wahnsinnig wie die ziit vergoht..und de summer chunnt immer meh hinefuere..huet isch 24,5grad gsi..traumhaft fuer da das es winter isch:)

Super Weekend

Das Weekend isch wieder emol eifach genial gsi. Am Samstig hani 4h gschaffet und han den nocher d Courtney am Strand troffe wels so schoens Wetter gsi isch. Am Obet hette mer eigentlich ane Party soele in Subiaco aber mer sind beidi so verkeltet gsi und hend ueberhaupt noed moege..also sind mer ines Resti/Bar am Strand in Scarborough wo mer wohnet und hend gmuetlich chli wii trunke:) Huet, am Sunntig morge, sind mer frueh ufgstande, is Fitness und den nocher simer noch Trigg gloffe(hend ufem weg no de Daniel, de Courtney ere Fruend, troffe..)und hend doet zmorge gesse..spoeter simer den uf Fremantle abe gfahre und an Markt go es paar Fruecht etc poschte. Wel mer beid no hend muese Woesch mache sind mer denn in Laundromat und hend das erlediget und denn uf Subiaco go mexikanisch esse..hei toent jo als ob mer nur am furt esse sind..haha..naja mer hend de sunntig eifach gnosse und es isch u schoen das es wider am warm werde isch..:)

bi ues am strand unne am Samstig Nomi

D Courts und i am Samstig nomi

Backyard Courts

ufem Weg noch Trigg

do wird oepper kei Freud ha das sis Boot weg gschwemmt worde isch:(

Im Soda am Zmorge esse

ufem Heiweg

courts und i ufem heiweg(es hett afo recht winde)

was woett mer no meh als ame wonderschoene ort wie dem z wohne?!;)

courts und i ufem heiweg(de daniel het wider mol noed ufs foti woele smile)

d Courts und i am Woesch mache im Laundromat..;)

surfe

huet bini mis glueck wieder ei mol meh go versueche bim surfe;)isch noch 45min recht kalt worde im wasser..;)

Trigg

Wil huete min freie Tag isch bini am morge uf en lange spaziergang gange am Strand entlang vo mer bis uf Trigg und han den doete zmoergelet:) do es paar pics fuer eu:) ah und es isch schoen warm gsi..das isch western australian Winter;)

Pete Murray Konzert

Geschter sind d Lindsay,de Tod und i as Pete Murray Konzert im Regale Theatre in Subiaco..:)natuerlich isch es super gsi au wenns uuuuu lang gange isch und i am schluss fasch zuendhoelzli brucht ha fuer mini auge;)

Lindsay und Britt

Todd und Lindsay