Usflug mit em Empire A Team;)

huet sind mini liebschte ladies vom schaffe und ich uf Rottnest Island gfahre. Mer hend choene gratis uebere mit em schiff wel de einte eren Maa doett schaffet ufem schiff..:)mer hend ufem hiiweg mol agfange Wii trinke und denn im Resti Fish and Chips und Salot mit 2 Flaesche Wii gnosse..nochher chli go laufe und nomol Wii am Strand;) mer hend Quokkas, Wal, Pelikan, Pfaue etc gseh..wunderschoen gsi und mer hend en super Tag verwuetscht..:)

Mis neui dihei

so han huet mol es paar kiste zueglet..und fuer eu es paar pix gmacht so choend er luege wie wunderschoen i ab ez doerf wohne*grins*isch halt no nix igrichtet oder so..mach den i es paar woche meh!
vorder igang vom huus
s Pool :)
mini wei zimmer..usem fenster gseht mer grad s meer
d ussicht vom zimmerfenster
mis zweiti zimmer
d decki;) so wie is halt liebe

Weekend und sustigi neuigkeite

Wider ei mol meh es super weekend mit genialem wetter..es wird summer..juheee!letzt woche hend mer paar mol 30grad gha,gester 31 und huet sogar 34(mentig und i ha freiiii) Am fritig obet bini anen 40igste Geburi vo einere vom schaffe iglade gsi..do hetts fuer jedi party immer e thema und eres isch disco glamour gsi..isch super gsi, sie hett s ganz huus dekoriert mit discokugle und 80er disco johre style. Bin zwor bi wiitem di juengst gsi aber isch luschtig gsi.
Gester obet (sunntig) hani mini alte arbetskollege vo de Bar wo i afang johr gschaffet ha troffe zum znacht..wie immer hend mer e super ziit gha und ufem heiweg hend d tracy und i wie immer natuerlich chli muese umebloedle;)
Huet heissts fuer mi Kischte packe wel morn fangi a zuegle..endlich..ei strossvom Strand entfernt.Es isch es riesigs huus mit Pool,Palme und i ha wider mol es schwein und s bescht zimmer im ganze huus ergatteret mit meeresblick! WUNDERSCHOEN:) mach denn fotene sobald i mol chli meh doett bi;)
und jo..ENDLICH hetts mit minere Registration als Hebamme klappet..jawohl..bi selber fascht vom stengeli gheit!smile.. Fange am 3 November im St.John of God Hospital in Subiaco ah schaffe..isch di groescht Privatklinik in Western Australia mit rund 3500 Geburte. Es isch u schwierig gsi mi z entscheide wo schaffe und schlussendlich hani muese gseh das es mer im public hospital noed gfallt..es hett viel z viel schlimmi sozialfaell und i glaub momentan wuerd das noed so guet sii well i eifach s vokabular nonig han zum mi durekaempfe und duresetze(i meine s Fachliche) Jo und die Klinik wo i ez afo isch super..isch riesig,hett Sportsmedizin ide noechi und alls ander(hehe jawohl, noed nur oestrogen um mich ume!grins) DI erste 3 moenet muesi ufem Wochebett schaffe eifach bis i chli d Terminologie im griff han und s australische system chli kenne lern und denn gohts ENDLICH ab in Gebs..Und weni denn chli erfahrig han denn moecht i gern id Geburtsklinik in Margaret River, das isch es Surfer und Hippie doerfli im Suede do in Western Australia..Mal schauen was sich ergit;) nimmes ez mol wies chunnt:)
So gnueg plapperet, do no es paar pix vom weekend! Hoff eu gohts allne guet und he, i 7 Woche bini au scho ide schwiiz uf bsuech..jesses wie die ziit au vergoht!

am 40igste: Kathleen, Kym(ere Geburi) und i

chli vo de Geburi Deko

Ussicht vo wo mer gester sind go esse

De Anne und sin neue schatz:)

i, tracy und su

Karina und de Seng

i und Tracy

d Crew:)

Tracy

;)

au d tracy hett en neue lover;)

jojo die blondine muend immer umebloedle;)

tracy;)

De Courtney ere Geburtstag

Huet isch de Courtney ere Geburi gsi. Ere Vater isch vo Melbourne do ane gfloge gester zum sie ueberrasche..mer hend alles organisiert ohni dass sie nur die chlinschti ahnig gha het:)Han organisiert das sie huet de ganz Tag frei becho het und mit erem Paps het choene verbringe. Ha den nochem schaffe de Glace chueche no fertig gmacht und mer hend ues denn all am 6i zum Znacht im Hippo Creek, eme Sued Afrikanische Restaurant troffe und en schoene Znacht gha:)

Usflug ufs Land as WIld Oats Festival und s Weekend

Gester sind Courtney, Kelly und i uf Northam, das isch es Country Dorf chli meh wie 2h vo Perth entfernt, as Wild Oats Festival gange wo Gyroscope und Spiderbait(das sind 2 Australischi Bands)etc gspielt hend..Gyroscope isch eini vo de Courtney ere Lieblings Gruppene und denn hend mer gfunde mer choenntet doch en Tagesufluug doett ane mache. Hend denn de Nomi mit es paar drinks ide Sunne(leider noed so warm gsi..sehr windig und immer wieder bewoelkt)verbrocht und hends natuerlich u luschitge wie mer uf de Fotene gseht..;)nochher as Konzert und denn total erschoepft hei..Mer hend eigentlich woelle doett schloofe aber isch so kalt gsi und hett nume komischi Luet gha drum hend mer entschiede wieder hei z fahre..und nei, mer hend kei Alkohol meh gha..also alles bene gsi:) Isch es schoens Weekend gsi.
Huet, am Sunntig sind d Courtney und i a de Kueste entlang glaufe und hend den en Tee trunke, chli Toast gesse und ueseri Sunntigsziitig glese..am Nomi hend mer denn s Huus putzt(wo mer anezueglet i 2 Woche)und noch 4h putze hend mer ues denn e Trigg Pizza goennt ufem Balkon und hend de Sunneuntergang glueget(Ussicht vom Balkon isch grad s Meer)Also wie er gsehnd, mer gohts super:)