am schaffe..

am samstig obet schaff i immer no im Restaurant/Bar im Tigerlils..wie immer hend mers wider emol luschtige gha vorallem well mini beschte ladies d Tracy,Karina und Michelle und au de Scott gschaffet hend..:)

Italien-Niederlande

Jo au do choend mer(zwor mit viel mueh)d EM verfolge und wie immer,muesi natuerlich Italie unterstuetze:) E paar Kollege und i sind is Casino de Match am 3 am morge uf Grosslinwand go luege.isch u luschtig gsi aber chli enttuescht gsi das verlore hend..jae nu..am friitig denn:)noch 3h schlof hani den scho chli mueh gha zum ufstoh zum go schaffe aber was mer noed alles macht:)

En relaxte Sunntig

Huet sind d Courtney, eini vo mine beschte Fruendinne, und i noch Fremantle an Markt gange chli go frischi Fruecht und Brot poschte,chli shoppe und ufem heiweg hemer i de Oyster Bar in Fremantle no en Chai trunke..isch sehr windig gsi aber mer hend immer no choene verusse sitze und di herrlich ussicht gnuesse. D Courtney schaffet ide Oyster Bar im Buero und so hend mer immer gueti sitzplaetz doette;) Huet obet goemer zeme go Indisch esse (im vergliich zu de schwiiz isch es do super billig..fuer buffet zahlt me 8dollar(oeppe 7Franke)und me chan so viel esse wie me will natuerlich..grins..wie er gsehnd, mer gohts blendend do Down under..i gnuess es sehr und fuehl mi richtig dihei..vermiss es paar sache und natuerlich mini familie und fruende aber doch choennt i nie meh vo do weg (naja sicher di noegste paar johre)
:) Wuensch eu allne en wunderschoene Rest vom Wochenend und en super start i di neu woche..:)

Surfe

Huet Nomi isch wieder wunderschoen gsi drum hend mer gfunde mer choentet wieder mol go surfe..:)isch eifach genial gsi.

Nilesh

Sit huet hani en neue Mitbewohner i mim Zimmer:) Sin Name isch Nilesh (das heisst uf persisch blaue gott)und er isch en siamesische fight fish. Fuer die wo die Art noed kennet: me doerf es maennli noed mit andere Fisch zeme tue wel ers esse wuerd..
er isch wunderschoen, ha u freud a em:)

Usflug noch Rottnes Island

Huet isch wider en super schoene Tag gsi (wenn me denkt das es winder soett sii smile). En kolleg hett kuerzlich es boot kauft und mer sind zemme chli go umeflitze und unter anderem uf Rottnest Island go zmittag esse. Das isch mitem schiff oeppe 25min vo Fremantle eweg(und fremantle isch 20min autofahrt vo perth)Isch u laessig gsi aber sobald d sunne sich hinter de wolke versteckt hett isch es recht kuehl worde,vorallem wo mer wider heigflitzt sind:) Huet sind anschinend zwei grossi schoeni Wal am umeschwimme gsi wels uf de reis richtig Norde sind, leider hend mer aber kein vo beide gseh..jae nu:)Oh und sorry weg de pix,bi unglaublich mued gsi noch ere Nacht mit nur 4h schlof;)

Schoene Herbsttag

Huet hend d Grete,Jessica und i(alli mitenand verwandt) en wunderschoene Herbstnomitag ide Stadt verbrocht mit laedele. Mer hends alli u gnosse, und sind zfriede hei(alli hend das gfunde wos brucht hend):)

Schoene Herbsttag in Perth i de Stadt

Grete,Jessica,Britt

Grete, Jessica,Britt

Perth City

Mis lieblingsgebaeude in Perth, His Majesty Theatre (wos Ballet isch)

Grete,Jessica, Britt vorem His Majesty Theatre

jo do hend mer alllll ueses Geld usgeh d Grete und i..grins..(scherz)

Tiger Lils und Bar Open

Nochem schaffe i de Bar Tiger Lils hend mer no eis trunke und sind id Bar Open in Northbridge, das isch grad nebe de Stadt wo eigentlich meh los isch wie i de stadt selber;) do es paar pix. Vermiss eu all..

Tracy und Britt

Tracy und Britt

Tracy,Britt, Cath

Simon, Britt

Tracy,Britt,Anne

neui frisur

sooo au i has mol gschafft und mi vo mine laaaange hore trennt(also sind jo immer no fascht schulterlang):)leider sind d pix noed di beschte und gsehnd beid total andersch us(isch also beides mit kurze hore hihi)..in echt gsehts nomol chli andersch us..jae nu ..choemet den meh..mini cam isch ez wieder gflickt.
bis gliii:)

Girls Night

Huet obet hend mer en relaxte obet bi de renee dihei gha mit chli tapas und wii..en super abschluss vo dem geniale weekend:)leider sind d pix noed di beste worde..(sorry)

Junior Surf Pro 08

Gester isch in Trigg Beach(5min vo wo i wohne)d junior surf pro gsi.isch en schoene tag gsi aber noed all zu warm..(oeppe 22grad aber de wind isch recht stark gsi)laessige tag am strand verbrocht mit dene surfer;)

Toeffusflug

Huet simer chli mitem Toeff go umefaetze wels so en wunderschoene Tag gsi isch. S erst mol bini i de "berge"xi(also ehner en huegel haha)..